أهلا وسهلا بك زائرنا الكريم في فتكات، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .





قصص مد وعبط ( حقيقيه حصلت معايا ) !

قصص مد وعبط فتكات انا متجوزة من سنه تقريبا من واحد مفيش واحده ترفضه انا من عيله كبيره بس هو من عيله كبيره اوي وليها مرك ..



19-01-2021 07:06 مساء
ام دنيا
فتكات مشاركة
معلومات الكاتب ▼
تاريخ الإنضمام : 19-01-2021
رقم العضوية : 24
المشاركات : 3
الجنس : أنثى
تاريخ الميلاد : 16-10-1988
يتابعهم : 0
يتابعونه : 1
قوة السمعة : 10
 offline 
قصص مد وعبط فتكات
انا متجوزة من سنه تقريبا من واحد مفيش واحده ترفضه انا من عيله كبيره بس هو من عيله كبيره اوي وليها مركزها انا عندي 21 سنه وهو 25 لما اتقدملي مكنتش مصدقه انه اتقدملي جميل جدا وجسمه رياضي واجتماعي اوي وكل الناس بتحبه دا غير اهله اللي معروفين بالطيبه والمركز العالي وقت ما اتقدملي كنت ف تانيه بزنس وهو كان لسه متخرج المهم اتخطبنا كام شهر ومش بان لي اي حاجه وحشه منه وبعدها اتجوزنا عشت احسن ايام حياتي معاه وحماتي دي بحس انها زي ماما ويمكن اكتر شويه حمايا نفس الكلام يعني لحد دلوقتي مفيش اي مشاكل
ابتدت المشاكل من تلات شهور كده كنت عند ماما بعد مخلصت الكليه قلتله هقعد عند ماما فعلا روحت واتصلت بأصحابي جم عندي ونزلنا مع بعض كلم ماما قلتله دي نزلت مع اصحابها استني لما جيت البيت ودخلت عادي قالي كنتي عند مامتك قلتله اه متكلمش وعادي وبعدها كان عايزني اقعد معاه بعد مخلصت العلاقه بنا قام وجاب في ايده حاجه وقالي افتحي بؤك فتحته حطلي شطه وفضل ماسك بؤي بايده عشان مش افتها وابلعها يجي عشر دقايق وبعدها فضلت اعيط انا عمري ف بيتي محد مد ايده عليا خالص قلتله ليه كدة قالي عشان تحرمي تكدبي وبعدها اتخانقنا بس انا مش متعوده احكي مشاكل البيت لحد فهمني بعدها الموضوع وقالي اللي ضايقه وانا فهمته بر ضه وقلت اعدها يمكن كان مضايق وهو طول عمره كويس معايا فأكيد كانت حاجه معصباه
حصل بعدها مفيش شهر كانت خطوبه واحد صاحبنا انا مكنتش لسه اتحجبت لسه متحجبه من كام يوم ادعولي اثبت فيه المهم اتاخرت عند الكوافير وكان متعثب من اول اليوم و روحنا الخطوبه واليوم ماشي تمام كان ف بيت البنت يعني خطوبه علي الضيق كده واحنا هناك شدينا مع بعض كلام بهزار فقالي قدام صحابه اسكتي بدل مقوم اضربك ضحكت بصوت عالي وقلتله متعرفش لاقيته عادي قبلها بهزار واليوم عدي واحنا في البيت بقي لما وصلنا دخلت اغير هدومي فتح الباب بقوله اقفل ان لسه بغير قالي لا تمام انا عايزك كده فروحت ناحيه الباب عشان اقفله واطلعه لاقيت بيرميني ناحيه السرير هو جنب الحيطه بس فيه مكان ضيق اوي بينه وبين الحطيه زنق ايدي فيه وجاب سلك ربط رجلي ومسك ايدي ربطها وشالني للمطبخ رماني علي بطني علي التربيزه طلع معلقه خشب وفضل يضربني من وراه وكده وبعدها رماني ف الارض ومسك رجلي رفعها لفوق وفضل يضربني الوقت كان متاخر وانا صوتي مسمع العماره كلها عمري ما اتهنت بالشكل دا ولا عمري حد اتعامل معايا علي انه حيوانه كده
المهم سابني بعد مضربني مرميه علي الارض مربوطه وطلع يتفرج علي التلفزيون وقالي اهو اللي مبيعرفش يضرب وبعدها بساعه جه يفكني وعايزني اقعد معاه انا اصلا مكنتش عارفه امشي علي رجليا دخلت الحمام بالعافيه وقفلت عليا مطلتعش منه غير لما مشي الصبح
انا فكرت انه يكون عنده حاجه نفسيه من وهو صغير كان بيضرب مثلا بس لا اهله طيبين اوي وهو اكبر اولادها ومش ليه غير اخ واحد وبيتعاملو احسن معامله كمان اول الجواز عمره ممسك شعره مني
وكالعاده اتأسف وقالي انا بأدبك عشان تحترميني قدام الناس ومقعدناش كام يوم وبعدها اتصالحنا بس بعد كده سكتناله دخل بحماره
اتكررت مره كمان عشان اتاخرت عن معادي في البيت وروحت لبيت اخويا من غير ما يكون عارف اول لما روحت عمل نفس الحوار بس مش بنفس طريقه المره اللي قبلها وبرضه الحماره قالت عادي بيحبها وبيخاف عليها
اخر مره حصل الموضوع دا كنا عند مامته ومفروض اننا نبات حصل الكلام دا الجمعه اللي فات ماماته حضرت الاكل وحطته بس انا مكنش ليا نفس خالص فقالتلي كده دا انا تعبت في الاكل دا عشانك ومش تكلي في الاخر بس عادي هي بتحبني اوي هو سمع الكلام من هنا وخلص اكل ونزل ورجع معاه شنطه فيها شويه ادويه وحقن وكده وبيقولي مرتضيش تاكلي وكسفتي ماما وبتقولي تعبانه ومالكيش نفس يبقي تتعالجي انا بحسبه بيهزر وجايب الحاجات دي لامه بقولها الحاجات دي ليكي يا ماما قالتلي لا دي لمين دي يا..... قالها ليها وهتاخدهم دلوقتي فانا والله بحسبه بيهزر وكمان هو مش بيعرف يدي حقن والجو دا فحط الحاجات ف خزنه كده وقال لمامته انا نازل اجيب حد يديها الحقن واجي فضلنا نضحك انا ومامته وعدينا الموضوع جه فعلا لاقيناه معاه واحد وبيقولي ادخلي الاوضه امه فضلت تقوله في ايه بس وكده قالها ملكيش دعوه انتي بالموضوع ودخلني الاوضه وقاله اتفضل فانا قلتله بصوت عالي انت مش راجل امه جت تدخل راح قافل الباب بالمفتاح وكتفني وخلي اللي جايبه من الصيدليه دا يديني الحقنه وانا بصرخ ومامته تخبط وتصوت بعدها لما الراجل خرج مامته فضلت تعيط وتقوله انت مش ابني حد يعمل ف بنات الناس كده قالها انا لسه معمتلش حاجه بقي انا مش راجل دخل الاوضه تاني ومعاه خرطوم وقفل الاوضه وفضل يلوش بيه ومطرح ما يجي بقي علي وشي علي جسمي لما لاقني هتشوه عمل نفس الطريقه اللي قبل كده وطلع وقفل الاوضه عليا ولما نزل الصبح مامته فتحتلي وبتعيط ولما شافت جسمي فضلت تدعي عليه وقالتي البسي هدومك ومتروحيش بيتك روحي عند اهلك انا عارفه اخويا وبابا لو عرفوا حاجه زي كده هيدخلوا فيه السجن انا قلتلها هروح شقتنا اللي في بلدنا يعني من غير ما اقول لاهلي والله انا عامله حساب ليها ومش عايزه اشوف وشه تاني وقلتها تبلغه اني طالبه الطلاق طبعا انا بضر اسافر كل يوم عشان امتحاناتي وهو بيروح قدام الكليه واصحابي بيشفوه وبستني لما يمشي وبعدين اطلع انا بجد عايزه اطلع منه ومش عايزه اشوف وشه بعد اللي حصل دا واحد مجنون معقد
ان بس نفسي كل واحده بعد كدة تطول فتره التعارف شويه لما يظهر علي حقيقته مع انه والله ف الاول كان كويس ولما تتهاني اول مره وتسكتي هتتهاني طول عمرك انا لسه صغيره علي الطلاق يارب عوضني بالاحسن منه واطلق من غير مشاكل ادعولي بالله عليكم انا ف خنقه ميعلم بيها الا ربنا ومصدومه دا الانسان اللي حبيته وكان الناس كلها تحسدني عليه بس يلا كله عند ربنا وانا مش هقبل اتهان واتذل تاني اى تطورات هحكيلكم sad


آخر مواضيع القسم

تقييم الموضوع:
الرجاء تقييم الموضوع
قصص مد وعبط ( حقيقيه حصلت معايا ) !
5 من 5 بواسطة: 4 تقييمات




الأعضاء الذين شاهدوا الموضوع: 5
fatakat ، amola ، ماما سالي ، نونا انا ، Dr.ahmed ،

الكلمات الدلالية
وعبط ، حقيقيه ، حصلت ، معايا ،


 







الساعة الآن 08:03 مساء


وسوم المنتدى