أهلا وسهلا بك زائرنا الكريم في فتكات، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .







علاج البرد للرضع والكبار (تجربتى مع بنتى )

بسم الله الرحمن الرحيم علاج البرد للرضع فتكات من غير كلام كتيييييييير نخش فى الموضوع طبعا كل الامهات الشاطرين اولادهم يج ..



24-01-2021 12:24 صباحا
marwaabozyada
عضـو بـارز
rating
معلومات الكاتب ▼
تاريخ الإنضمام : 08-01-2021
رقم العضوية : 2
المشاركات : 1033
الدولة : مصر
الجنس : أنثى
تاريخ الميلاد : 12-7-1991
الدعوات : 1
يتابعهم : 5
يتابعونه : 4
قوة السمعة : 20
موقعي : زيارة موقعي
 offline 

بسم الله الرحمن الرحيم
علاج البرد للرضع فتكات
من غير كلام كتيييييييير نخش فى الموضوع
طبعا كل الامهات الشاطرين اولادهم يجى لهم شويه رشح فى الانف يبقى ايه .... اكيد ساين اب

ولو كحه . يبقى بتاع الكحه اللى لونه اخضر ده

انما بقى لو كحه بصوت وفيها خنفره كده .يبقى يا عينى تخبط الطفل يجى 6 حقن مضاد حيوى الف ... ويمكن اكتر , هو ورزقه بقى

لحد يا عينى الطفل تيجى تغيرى له البنطلون يفضل يعيط زى ما يكون هتضربيه بالنار
ده غير انه بيكره الاكل من كتر الدواء اللى عمال ياخده عمال على بطال

كفاااااااااايه يرحمكم الله

بصى بقى حبيبتى
كل حاجه ولها حل وده طبعا تجربتى مع بنتى

الرشح ده عادى ......... يعنى لما يكون طفلك بزنزنه مش قضيه يعنى
3 او 4 ايام وهيروح لوحده ان شاء الله وبلاش علاج الله يكرمك

***لكن لو طفل اقل من 6 شهور يبقى هتحطى له نقط اوتروفين بيبى سالين نقطه واحده فى فتحه انف واحده مش الاتنين وقبل ما يجى يرضع بس
عشان الطفل لو انفه مسدود مش هيعرف يرضع وكل شويه هيسيب سدرك عشان يتنفس
طبعا النوم هيبقى قلق بس معلش يومين والمناعه هتشتغل وهيبقى كويس
***ولما تنيميه نيميه على ظهره وارفعى راسه لفوق قوى بحيث ان فتحه الانف تبقى للاعلى
وهتلاقى الانف بدأ يسلك لوحده

ابقى حتى جربى الموضوع ده وانتى تعبانه

لو اكبر من 6 شهور يبقى ما تشغليش بالك بسيوله الانف دى لكن وهو نايم ابقى ارفعى راسه زى ما اتفقنا وحطى كماده سخنه بين الحواجب
المنطقه دى هى منطقه تجمع اعصاب سبحان الله
اضغطى عليها براحه كده مع تدليك بسيط للانف من فوق وان شاء الله فى فتحه من الانف هتسلك معاكى
وابقى برده جربيها بنفسك

الكحه بقى
وخصوصا اللى بصوت دى

الواحد بقى بيقلق من الكحه اللى بصوت دى خالص
لان بيخاف تعمل له نزله على سدره كفانا الشر

لكن انا هقولك السر
السر ان انتى تلحقى ابنك بدرى جدااااااااااااا ..... يعنى مش تسيبيه يكح 3 او 4 ايام وبعدين تقولى يا من يداوى
من اول يوم تسمعى الكحه يبقى تجرى جرى تتصرفى

الكحه عامه بتبان قوى اول ما يكون صاحى من النوم
وقبل ما ينام
وخصوصا بالليل . عشان تعرفى امك سهرت قد ايه

المهم
الكحه دى عباره عن التهاب فى الرئه فبالتالى بتكون حساسه جداا تجاه اى هواء وخصوصا البارد
والكحه اللى بصوت عباره عن التهاب فى الصدر وبرده حساس للهوا والبرفان
وبرده لما صوته يروح ده عباره عن التهاب فى الاحبال الصوتيه

ولهم نفس الحل ان شاء الله

بصى بقى
العلاج 3 اقسام

اولا : الاكلات ........
ثانيا : رفع المناعه الذاتيه ........
ثالثا : علاج موضعى ..........
وخدى بالك دى طريقه العلاج الطبيعى لاى حاجه

بس قبل اى حاجه لاااااااااااازم تطلعى صدقه
مش شرط فلوس لو مش قادره
بس حتى اى شغله لحماتك وانتى مش طايقاها .... او تصالحى حد وانتى مش غلطانه

( ويسألونك ماذا ينفقون , قل العفو )

اولا : الاكل ......

اقائمه الممنوعات ..
ممنوووووووووووووووع .... يأكل لبن او زبادى او بيض او جبنه او موز او سمك ولا اى جمبرى ولا اى حاجه من عائله السمك ... او يشم برفان او يتعرض للهواء ... لان الحجات دى بتهييج الصدر
تأكليه ايه بقى ......... تقومى كده تسلقى له فرخه وخصوصا لو بلدى وتشربيه شوربتها دى على فكره مهمه جداااا لعلاج الزكام
يعنى الفرخه نفسها مش مهمه زى الشوربه بالمناسبه

تأكليه بطاطس مسلوقه وعصاير برتقان ورمان وفراوله واى عصاير واى فاكهه ماعدا الموز بس

ثانيا : رفع المناعه الذاتيه
وده بيبقى بمضادات الاكسده ...... دورى على النت هتلاقى كتييييييييييييييير
وفيتامين C ........ ده فى الليمون والبرتقال والقرنبيط وفى الفلفل الحار بالمناسبه
ومضاد للالتهاب ....... ده برضه فى حجات كتييير لكن اعلاهم سبحان الله العسل الابيض

وصفتى انا بقى ودى من دكتور اوز حبيبى
تعملى لك كوبايه شاى اخضر مضاد للاكسده عالى جدا ............ العلبه كبيره جدااا ب 5 او 6 جنيه
ممكن ينفع الشاى العادى على فكره لكن مضادات الاكسده فى الشاى الاخضر اكتر 5 مرات من الشاى العادى

واعصرى عليها ليمونه .......فيتامين C طبعا
وحليها بالعسل الابيض ....... الكيلوا من 25 الى 30 جنيه واى نوع من العسل مش شرط جبلى ولا سدر يعنى
العسل للاطفال اكبر من سنه بس لو سمحتم والاقل من كده يبقى السكر العادى

وكل شويه تشربيه منها وخصوصا وهو قايم من النوم هتلاقى الكحه ماشاء الله خفت خالص

ثالثا : علاج موضعى ..........
العلاج ده مهم جدا ومش والحمد لله بيجيب نتيجه من اول يوم
تدفى معلقه زيت زيتون فى طاسه او حاجه
وقبل ما ابنك ينام
ترفعى هدومه كده براحه وتدهنى صدره وتحطى كيس على صدره عشان يعرق وكمان الزيت يدخل جسمه
بعدين تقلبى الطفل براحه وتدهنى ظهره من قصاد صدره برده وتحطى كيس برده
وتحضنى على طفلك كويس وتدفيه كويس

وان شاء الله بيصحى كويس وكررى لحد ما ربنا يكتب الشفا

ملحوظه

1.الوصفات دى للاطفال والكبار والحمد لله مجربه على بنتى من سن 6 شهور وعلى نفسى طبعا
2. انا عارفه ان الموضوع ممكن يطول ....... لكن سعات كتييييير بنروح للدكتور وناخد علاج ويفضل الطفل برده بالاسبوعين تعبان
فالصبر حلو لحد ما ربنا يأذن بالشفاء
3. طبعا مش هتكلم عن اضرار المضاد الحيوى لجسم الطفل .... لكن لو فضلتى كده على العلاج دايما هتلاقى ابنك داااااااايما تعبان ودايما بيأخد علاج فممكن الموضوع متعب شويه لكن هيريحك بعدين وهتلاحظى ان معدل تعبه بيقل نوهاااااائى

اسألكم الدعاء

آخر مواضيع القسم

تقييم الموضوع:
الرجاء تقييم الموضوع
علاج البرد للرضع والكبار (تجربتى مع بنتى )
3 من 5 بواسطة: 2 تقييمات

29-01-2021 08:29 صباحا
مشاهدة مشاركة منفردة [1]
fatakat
المشرف العام
معلومات الكاتب ▼
تاريخ الإنضمام : 08-01-2021
رقم العضوية : 1
المشاركات : 16647
الدولة : مصر
الجنس : أنثى
تاريخ الميلاد : 1-11-1991
يتابعهم : 3
يتابعونه : 12
الإجابات المقدمة: 1
قوة السمعة : 130
موقعي : زيارة موقعي
 offline 
look/images/icons/i1.gif علاج البرد للرضع والكبار (تجربتى مع بنتى )
جميل جدا مشاركتك معانا تجربتك ونصائح غاليه ومفيده شكرا لكي 




الأعضاء الذين شاهدوا الموضوع: 1
fatakat ،

الكلمات الدلالية
علاج ، البرد ، للرضع ، والكبار ، (تجربتى ، بنتى ،


 







الساعة الآن 06:41 مساء


وسوم المنتدى