أهلا وسهلا بك زائرنا الكريم في منتدي فتكات، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .







ترتيب المنزل بالصور والفيديو بدون تعب

ترتيب المنزل بالصور فتكات وحشتوني يااغلى حبايب فالدنيا باذن الله هاحاول انظم البيت على مرحلتين مرحله للتنظيف العميق ا ..



16-02-2021 06:20 صباحا
fatakat
المشرف العام
معلومات الكاتب ▼
تاريخ الإنضمام : 08-01-2021
رقم العضوية : 1
المشاركات : 16647
الدولة : مصر
الجنس : أنثى
تاريخ الميلاد : 1-11-1991
يتابعهم : 3
يتابعونه : 12
الإجابات المقدمة: 1
قوة السمعة : 130
موقعي : زيارة موقعي
 offline 

ترتيب المنزل بالصور فتكات

وحشتوني يااغلى حبايب فالدنيا

باذن الله هاحاول انظم البيت على مرحلتين

مرحله للتنظيف العميق المكثف

وتشمل تنظيف اكل اوضه من اوض البيت بشكل دقيق وعميق

وهشرح الي اقصده كمان شويه

وخطه للتنظيف العميق الخفيف

الاول طبعا لازم تكوني خلصتي التنظيف اليومي وجهزتي الاكل واذا كنتي قادره انك تجيبي حاجه جاهزه تتغدوا بيها يبقى خير على خير

انا الكلام ده مش بيمشي عندي هنا لازم طبيخ وتسبيك وحاجات تتشوي وحاجات تتقلي مش هيرحموني عارفهم

نرجع لموضوعنا بالله عليكو يابنات كل ماتشوفوني خرجت من الموضوع شددددوني اصلي عارفه نفسي

نجمع جميع ادوات التنظيف الي هنستعملها مع بعض فباسكت حلو كده

باذن الله هأبتدي بأوضة نومي وياريت كل وحده فيكو تبتدي كمان بأوضتها عشان نمشي مع بعض وعلى نفس النظام

وبأذن الله ربنا هيسهل علينا ونخلص من تنظيف الشقه كولها بظرف 8 _ 10 ايام

راح نقسم البيت على هالعشر تياام دي كل اوضه يومين عشان متتعبوش معايا وتهلكو

طبعا نبتدي برفع كل الستائر والسجاد والاغطيه وغسلها

تزعيف الحيطان ونفض التراب من الابواب والشبابيك

ترتيب الدواليب والادراج وكل ملحقات الاوضه

كنس الارض ,,وشرط الكنس يشمل رفع وتحريك كل قطع الاثاث والكنس تحتهاوالمسح ايضا

تلميع كل الاخشاب والمرايا والزجاج متغفليش يافتوكه عن اي تابلوه او صوره او سوره قرأنيه معلقع على الحائط

مسح الارض او غسلها وتعقيمها

اعادة فرش الاوضه وتعليق الستائر

طبعا مننساش المروحه ان وجدت والتكييف

الحمله دي هنفذها بكل الاوض بما فيها الريسشبن واللليفنج

بالنسبه للمطبخ حالته صعبه اكتر شويه هنخلي الشغل فيه على تلات ايام اذا مخلصش بيومين يعني

يشمل فيه تنظيف الاجهزه الكهربائيه من ضمنها البوتوجاز والشفاط والتلاجه طبعا والديب فريزر اذا وجد

غسل سيراميك الحائط وفي طريقه انا بعملها سهله وبسيطه جدا وحتى بتنفعك فتنظيف الدواليب وادي اللينك بتاعها هناااااا

غسل الدواليب والادارج اذا امكن او الاكتفاء بمسحها وتعقيمها من الداخل والخارج

واعادة ترتيب الاغراض وادوات الطبخ بداخلهاااا

طبعا مننساش الستاره واالسجاده والابواب والشباك

في يوم واحد لكل اركان الحمام يوم بيكفي على مااعتقد وكمان من ضمنه الغساله والسخان ان وجد فالحمام

وياريت كلنا نعمل عمره لغسالتنا خلوها تتشقلط هي كمان يعني هي ملهاش نفس يعني 

نصايح كده على الماشي

1وانتي بتعيدي ترتيب الهدوم فالدواليب خذي بالك من الهدوم الي واخذه مكان ومش بتتلبس طلعيها يافتوكه كفايه تصبري عليها اكتر من

كده واكيد هتلاقي الي هيلبسها ويستفاد بيهااااااا

2كمان في منظم لترتيب الهدوم مره شوفت صورته على النت وعملتها من كارتونه وبقيت بطبق بيه الهدو

بعد مده لقيت الفتوكات هنا عملوه بكارتونه وبيستعملوه بس بجد يابنات بيخلي الهدوم منظرها تحفه

انا حتى عملت واحد صغير لتطبيق هدوم الولاد الصغيرين

3اذا قدرتي تغيري ترتيب او ديكور اي جهه من جهات المنزل بأقل تلكفه يبقى كتر خيرك ياستي

اهومنها تغيير عشان شهر رمضان جاي وخلي النفسيه تتغير بقا ,,,اذا عندك مفرش سرير جديد مثلا خليه عشان تفرشيه عالعيد او ممكن

سجاده حلوه شايلاهه تطلعيها عشان العيد مفارش فالدولاب او على التسريحه والشفونيره,,,تغييري تابلوه مكان تابلوه مثلا اي حاجه

تجدد فشكل الشقه,,ان شاء الله تكون مشايه او عرقين ورق او ورد بلاستك بس لازم يكون في تغيير

4لمي كل الاواني الي ملهاش لزمه فالمطبخ وخلي مواعينك على العدد

تلات حلل ,,,,,صنيتين شوي,,,,, طاستين ,,,,,اطباق بحسب عدد افراد الاسره ومعالق وسكاكين وشوك نفس الحكايه

حتى الحاجات الي بتتشغلي بيها يعني زي سكاكين التقطيع والمغراف والحاجات دي بس الي ممكن تحتاجيه مش تكركبي الحاجات

وتملي المطبخ وبعدين يطلعوا عيونك فالتنظيف الف بعد الشر عليكي من طلعت العين بس حاولي قدر الامكان تطلعي الحاجه على قد الي

هتستعمليه خصوصا لحسن هتبقي تعبانه ومش هتغسلي حاجه وتفضلي تكومي وبعدين تتعبي اكتر وانتي بتغسلي بيهم

فمن الاول اختصري الطريق ..

التنظيف العميق البسيط

هناخذ كل يوم معانا حاجه يعني بالاضافه للروتين اليومي

1مسح الشبابيك

2تزعيف الحوائط

3ترتيب الدواليب والادراج كولها

4تلميع الابواب

5تلميع موبيلية اوضه كامله

6البوتوجاز

7 التلاجه

8تلميع خشب السفره وكرسيها بحسب بقا تغسليها او تتنظفيها على الناشف

9يوم للحمام كمان

10 الريسبشن بكل محتوياته

11 الشفاط

12 ترتيب دواليب المطبخ والادراج

13 حمام الضيوف ان وجد

14 باب الشقه والسلم

وده فيديو بيوضح كل حاجه



وكده يعني القصد متسيبيش الشغل يتراكم عليكي ربنا يسهل علينا 

آخر مواضيع القسم

تقييم الموضوع:
الرجاء تقييم الموضوع
ترتيب المنزل بالصور والفيديو بدون تعب
5 من 5 بواسطة: 1 تقييمات




الأعضاء الذين شاهدوا الموضوع: 1
نونا انا ،

الكلمات الدلالية
ترتيب ، المنزل ، بالصور ، والفيديو ، بدون ،


 







الساعة الآن 04:43 مساء


وسوم المنتدى